| ՀՀ, Երևան, 0014 | +374 10 20 30 91 |
| Պ.Սևակի 5/7 | +374 10 20 30 92 |
| +374 10 54 45 17 |
Փոքր կոնքի ՄՌՏ-ն` մի շարք խնդիրների լավագույն լուծում
2016-12-20
Որովայնի խոռոչի, փոքր կոնքի օրգանների մագնիսա-ռեզոնանսային տոմոգրաֆիան (ՄՌՏ) այսօր համարվում է ժամանակակից ախտորոշման ամենաօգտակար և անհրաժեշտ եղանակներից մեկը: Այն հարկ է իրականացնել փոքր կոնքի շրջանում ցանկացած բնույթի ցավի կամ անհարմարության առաջացման դեպքում, ինչը կօգնի խուսափել բարդություններից, կնպաստի արդյունավետ բուժմանը, ընդ որում, փոքր կոնքի ՄՌՏ-ի գինն այնքան մեծ չէ, որքան նրա իրականացումից ստացված օգուտը:
Որովայնի խոռոչի, փոքր կոնքի օրգանների ՄՌՏ-ի համար հատուկ նախապատրաստում չի պահանջվում: Ախտորոշման ընթացքում հետազոտվողը, գտնվելով փակ սարքավորման տարածքում, չպետք է շարժվի, քանի որ նույնիսկ ամենափոքր տեղաշարժը կարող է նվազեցնել արդյունքի հավաստիությունը:
ՄՌՏ իրականացման հակացուցումներն են` հղիությունը, կրծքով կերակրումը, երիկամային անբավարարությունը: Խորհուրդ չի տրվում ՄՌՏ իրականացնել մարմնում մետաղական տարրեր իմպլանտացված հիվանդներին (ոսկրային իմպլանտանտներ, ականների բեկորներ և այլն), քանի որ սքաների ստեղծած մագնիսական դաշտը կարող է վնաս պատճառել, իսկ ստացված պատկերը կլինի վատորակ` դաշտի աղավաղման պատճառով:
Փոքր կոնքի օրգանների ՄՌՏ-ն հնարավորություն է տալիս օրգաններում գոյացություններ հայտնաբերել դեռևս նրանց վաղ փուլում, ինչպես նաև կանխատեսել նրանց առաջացումը:
Կանանց մոտ ՄՌՏ հետազոտության են ենթարկում հետևյալ օրգանները.
- միզապարկ,
- հեշտոց,
- արգանդ, հետարգանդային տարածություն:
Կանանց մոտ հարկ է ՄՌՏ հետազոտություն իրականացնել հետևյալ ախտանիշների դեպքում.
- ցավեր որովայնի ստորին հատվածում, գոտկային շրջանում,
- դաշտանային արտահայտված ցավեր,
- դաշտանային ցիկլի խանգարումներ,
- արյունային արտադրություն:
Տղամարդկանց մոտ հարկ է ՄՌՏ հետազոտություն իրականացնել հետևյալ ախտանիշների դեպքում.
- միզարձակման հետ կապված խնդիրներ (ցավեր, հապաղում),
- ցավեր որովայնի ստորին հատվածում, ինչպես նաև` աճուկում,
- էրեկտիլ դիսֆունկցիա (սերմնաժայթքման, էրեկցիայի խանգարումներ):
Տղամարդկանց մոտ փոքր կոնքի ՄՌՏ իրականացվում է շագանակագեղձի, սերմնաբշտերի, ամորձապարկի հետ կապված խնդիրների ժամանակ:
Խնդրի հայտնաբերման նպատակով կատարվում է է սերմնատար ծորանների, շագանակագեղձի, հավելումների հետազոտություն: Արդյունքում ստացվում են բարձրորակ պատկերներ, որոնք օգնում են մասնագետին լիարժեք ախտորոշում իրականացնել:
Բոլոր այս խնդիրների դեպքում գրագետ հետազոտությունը արդյունավետ բուժման գրավականն է: